Mercedes AMG GT

   

  წარმოგიდგენთ Mercedes-ის უახლეს მოდელს AMG GT-ს, რომელიც 2014 წლის 11 სექტემბერს დაიბადა და დიდი სიმპატიები და მოწონება დაიმსახურა როგორც კრიტიკოსებისგან ასევე უბრალოდ მერსედესის და საერთოდ ავტოინთუზიასტებისგან.
    საუკეთესო პერფორმანსი, აგრესიული სტილი, დახვეწილი დიზაინი და უმაღლესი ხარისხი. სწორედ ასე შეიძლება აღვწეროთ უახლესი მოდელი Mercedes AMG GT. სპორტ კლასის AMG GT-ის სრულიად ახალი 4 ლიტრიანი ორმაგად ტურბირებული V8 ძრავა აქვს, რომელიც GT ვერსიის შემთხვევაში, 462 ცხენისძალას და 600 ნიუტონმეტრს გამოიმუშავებს. ასეთი სიმძლავრის მქონე AMG GT 0-100 კმ/სთ-მდე 4 წამში ჩქარდება და ავითარებს ელ. ლიმიტირებულ 304 კმ/სთ-ს. რაც შეეხება GT S ვერსიას, ახალი V8 მის კაპოტქვეშ 510 ცხენს და 650 ნიუტონმეტრს წარმოქმნის, რაც სრულიად საკმარისია პირველი ასეულის 3.8 წამში ასაღებად და ელექტრონულად შეზღუდული 310 კმ/სთ-ს გასავითარებლად. დიზაინის თვალსაზრისით AMG GT, საკმაოდ წააგავს წინამორბედ SLS AMG-ის, თუმცა 1540 კილოგრამი წონის მქონე AMG GT გაცილებით მანევრული ეკონომიური და “მწვანე” გახლავთ, რადგან 100 კილომეტრზე ეს უკანასკნელი 9.4 ლიტრ ბენზინს მოიხმარს და ყოველ გავლილ კილომეტრზე მხოლოდ 219 გრამ CO2-ს გამოყოფს. აღსანიშნავია 7G-Tronic Dual Cluth გადაცემათა კოლოფი, რომელიც SLS AMG-დან არის გადმოატინილი რაღა თქმა უნდა გარკვეული მოდიფიკაცეიბით, რაც მეტად სპორტულ სწრაფ და მკვეთრ გადაცემებს უზრუნველყოფს.